Hér er hægt að panta ljóðabókina Þvottadagur og fá senda heim að dyrum.

þvottadagur pöntun.jpeg

Þvottadagur er síðasti kafli þríleiks sem hófst með Leiðarvísi um þorp og hélt áfram í Stórum olíuskipum. Bókin lýsir ferðalagi milli þorps og borgar, drauma og veruleika, bernskuminninga og ástarsambanda, og meðal viðfangsefna má nefna dekkjaverkstæði, sorphirðu Reykjavíkurborgar og Michael Jordan. Ferðast er um innri og ytri veruleika í átt að áfangastað og umhverfið dregið upp með sterkum myndum.

Jónas Reynir Gunnarsson er frá Fellabæ. Fyrir ljóðabókina Stór olíuskip hlaut hann Bókmenntaverðlaun Tómasar Guðmundssonar. Hann hefur einnig gefið út ljóðabókina Leiðarvísir um þorp og skáldsögurnar Millilendingu og Krossfiska.

Kápu hannaði Hjálmar Kakali Baldursson
Páskaeyjan gefur út.

3.600 kr.

Póstkostnaður innifalinn í verði. Greiðsla fer fram með millifærslu. Reikningsupplýsingar birtast þegar ýtt er á Panta.